Xaçmazda vərəm xəstələrinin sayı azalıb- Video

Xaçmazda vərəm xəstələrinin sayı 50 faiz azalıb. 5 il öncə  xəstəlikdən əziyyət çəkənlərin sayı 175 nəfər idisə,  hazırda Ağciyər Xəstəlikləri dispanserində qeydiyyatda 91 nəfər var. Onlardan 25 nəfəri stasionar şəraitdə müalicəsini davam etdirir. Qeydiyyatda olan vərəm xəstələrindən yalnız biri azyaşlıdır.

Vərəm xəstəliyi hava damcı yolu ilə keçə bilir. Ailəsində bu xəstəlikdən əziyyət çəkən şəxs varsa,  digər ailə üzvlərinin xüsusi diqqətli olması şərtdir. Xroniki vərəm xəstələrinin stasionar şəraitdə müalicə alması məsləhətlidir.

Vərəm infeksiyasının vaxtında aşkarlanması üçün məktəblərdə mantu sınağı keçirilir və nəticələr labarotoriyalara göndərilir.  Hazırda ölkə üzrə 5 regional  vərəm laboratoriyası fəaliyyət göstərir.